Informacija da Marija Kilibarda, poslije 12 godina, napušta Prvu televiziju mnoge je iznenadila, a srpski mediji otkrivaju gdje ćemo u budućnosti gledati lijepu voditeljku.
Kako saznaje Informer od izvora bliskog Kilibardi, njena odluka nije došla iznenada već je o tome dugo razmišljala, ali je ponuda bila više nego primamljiva.
„Marija je odlučila da pređe na Una televiziju i tamo ćemo je gledati u budućnosti. Ona će imati svoju, autorsku emisiju. Dogovorila je odlične uslove, honorar će joj biti papren. Ali to nije sve i nije jedini razlog za promenu. Ona na Una televiziji ima dosta bivših kolega, neki su joj i prijatelji i to je bio jedan od razloga da prelomi“, izjavio je dobro obaviješten izvor za Informer.
Inače, Una televiziju čine brojne poznate i istaknute ličnosti, jedan od voditelja tamo je i Haris Džinović koji ima svoju kulinarsku emisiju, kao i Nikolina Pišek.
S druge strane, Marija je iza sebe ima mnogo ozbiljnih formata poput dnevne emisije „150 minuta“ koju je godinama vodila, zatim „Super Srbija“, a svi se rado sjećaju popualrnog projekta „Žene“ koji je radila sa koleginicama Majom Volk, Ivanom Zarić, Irinom Vukotić i Natašom Ristić.
Kilibarda je bila i voditeljka jedne od najgledanijih emisija „Tvoje lice zvuči poznato“, čiji je domaćin bila prve tri sezone, kao i u petoj sezoni.
autor:informer, foto: informer
