Propada jedna od najpoznatijih atrakcija Italije
Da se tornjevi ne naginju samo u Pizi potvrđuje nažalost i čuveni toranj u Bolonji.
Nakon naginjanja na jugoistok, odlučio je da promijeni svoj nagib, i počeo je da se naginje ka jugu. Hoće li gradske vlasti uspjeti da spriječe propadanje jedne od najpoznatijih atrakcija u gradu?
Srednjovjekovni toranj Garisenda je jedna od najpoznatijih atrakcija Bolonje. Iako je manje poznat od čuvenog Krivog tornja u Pizi, dijeli istu sudbinu sa njim. On se godinama polako naginje, i danas je zatvoren za posjete zbog opasnosti od urušavanja. Da li će u budućnosti biti poznat kao Krivi toranj u Bolonji?
Grad je započeo radove kako bi zaustavio propadanje tornja, za sada se gradi barijera koje služi da zadrži ruševine na mjestu u slučaju pada. Barijera je visoka čak pet metara, i treba da sačuva stanovništvo od krhotina.
